Бөлүмдөр
Жекшемби, 18-август
Ош облусу, Ош 20.03.2019 21:22 На русском

Ошто май куюучу жайдан өрт чыгып, эркек кишинин бети күйүп калды. Сүрөт

Turmush -  Ош шаарынын Петров көчөсүндө жайгашкан турак үйдүн жанында май куюучу жайдан өрт чыкты (АЗС), деп билдирди аймактык кабарчы.

Күбөлөрдүн айтымында, аталган жай "МАН" үлгүсүндөгү кара май ташуучу унаа май куюп кеткенден кийин жарылган жана ага жакын жайгашкан көп кабаттуу үйлөрдүн терезелери сынып кеткен. Өрттүн кесепетинен 55 жаштар чамасындагы эркек кишинин бети күйүп калган. Ага жардам бергендердин бири Акбий Кубатовдун айтымында, өрт 20:15 чамасында чыккан.

“Тарс деген үн чыкты. Досторум менен аталган жерге чуркап барган кезде 55 жаштар чамасындагы киши бети күйүп, көмкөрөсүнөн жаткан экен. Эс-учун жоготуп коюптур. Аны жолдогу унаалардын бири Ош шаардык ооруканасына алып кетти”, - деди ал.

Учурда окуя болгон жерде өрт кызматкерлери иштеп жатышат.

Жолдогу транспорт каттамы убактылуу токтотулду.

ӨКМдин басма сөз кызматынын маалыматына караганда, куткаруучуларга Петров көчөсүнүн №47 үйүнүн жанында "Юго-Восток" май куюучу станциядан (АЗС) өрт чыккандыгы тууралуу маалымат түшкөн. Өрттүн кесепетинен аталган жайдын администратору, 1960-жылы туулган Ш.М. аттуу эркек киши жабыркап, күйүктөр бөлүмүнө жаткырылган. Абалы орто.

Өрттү өчүрүүгө саат 20:16да №85 ӨКБдан 1 бөлүм, саат 20:18де №13 АӨКБдан 1 бөлүм, саат 20:22де №13 АӨКБдан 1 бөлүм, саат 20:28де №12 АӨКБдан 1 бөлүм, саат 20:48де №109 ӨКБдан 1 бөлүм, саат 20:28де штаб, саат 20:30да ККББдан ыкчам топ, ӨКМдин Ош шаардык башкармалыгынан ыкчам топ жана куткаруу кызматынан 4 куткаруучу, саат 20:10дө тез жардам кызматы, саат 20:22де ИИМ кызматкерлери тартылган. Мындан сырткары саат 21:05те ӨКМдин РӨКОдон 1 даана суу ташуучу КамАЗ үлгүсүндөгү унаа жана саат 21:06да №13 АӨКБдан 1 даана автошаты жана Кара-Суу райондук №102 ӨКБдан 1 бөлүм тартылды.

Ош шаардык ооруканасынын башчысы Шаятбек Абдурахмановдун айтымында, өрттөн жабыркаган 1 адам келип түшкөн. Учурда ал өзүнө келди. Нейрохирургия бөлүмүндө жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
400 Bad Request

Bad Request

Your browser sent a request that this server could not understand.

×