Бөлүмдөр
Жума, 22-июнь
Ош

Видео - Сирияга адашып барган 29 жаштагы Бабуржан өлкөгө келгенден кийин шарттуу соттолгон

Turmush -  Кара-Суу районунун 29 жаштагы тургуну Бабуржан 2013-жылы Түркия аркылуу Сирияга барып, кайра кайтып келген. Кыргызстанга келгенден кийин 2 жыл шарттуу соттолгон. Бабуржан журналисттерге берген маегинде ал жакка алданып барып калганын, согуштук аракеттерге катышпаганын айтты.

«Мен 2013-жылы Түркияга иштейм деп баргам. Ал жактан мени адамдар үгүттөп, Түркия аркылуу Сирияга алып барган. Сирияга адашып барып калгам. Ал жакта болгону 7 күн жүрүп, качкындар жаткан чатырларды көргөндөн кийин кетип калгам. Согуштук аракеттерге катышкан жокмун. Келгенден кийин сот жообуна тартылып, 2015-жылы 2 жылга шарттуу соттолдум. Жазанын мөөнөтү аяктап калды. Азыр бала-чакам менен жашап жатам. Эч ким бизге окшоп адашпасын», - деди ал.

Милициянын берген маалыматына караганда, Сирияга кеткен адамдардын саны боюнча Кара-Суу району алдыңкы орундарда турат.

«Кара-Суу району боюнча 200дөн ашуун адам ар кандай жолдор менен Сирияга кеткен. Алардын ичинен 16 адам Кара-Суу шаарынын тургундары. Анын бири кайтып келип, жазасын өтөп жатат», - деди Кара-Суу РИИБдин 10-бөлүмчөсүнүн башчысы Руслан Омошев.

Бүгүн, 20-апрелде Кара-Суу шаарынын миңге жакын тургуну экстремизм менен терроризмге каршы тынчтык митингине чыгып, жөө жүрүш уюштурушту.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 4331
Көп окулду
×