При поддержке MegaCom

Бөлүмдөр
Жума, 26-май
67.94    75.99    1.21    KZT 0.22

Кыргызстандык аял эки баласы менен Казакстанга 60 миң теңгеге кулчулукка сатылган

Turmush -  Кыргызстандык үй-бүлө Казакстанга 60 миң теңгеге (казак теңгесинин 2006-жылдын май айындагы баасы боюнча 12 миң 600 сом) кулчулукка сатылганы ачыкка чыкты.

Укук коргоо органдарынан алынган алдын ала маалыматтар боюнча, бул ишке байланыштуу маалымат 2017-жылдын 25-апрелинде жүргүзүлгөн ыкчам тергөө иштеринин алкагында маалым болгон. Ыкчам тергөөчүлөр 2006-жылдын май айында Ноокат районундагы Мирмахмудов айыл өкмөтүнүн Кара-Кокту айылында жашаган А.А. ишеничке кирүү менен 2 балалуу аялды Казакстанга алып кеткенин такташкан.

Алар:

- 1972-жылы туулган И.Халима, Ноокаттын Кара-Таш айыл аймагындагы Кара-Таш айылынын тургуну;

- 1996-жылы туулган М.Табалды;

- 2005-жылы туулган М.Айгерим.

Маалыматтар боюнча, И.Халиманы 2 баласы менен Казакстандын Талды-Курган облусундагы Кара-Булак айылына алып барган. Андан соң алардын документтерин ошол жактын жаранына берип, 60 миң теңге акча алган. Алдын ала маалыматтар боюнча, кыргызстандык үй-бүлө көрсөтүлгөн суммага кулчулукка сатылган.

Бул окуяны Ош ОИИБ тастыктап, учурда тиешелүү материалдар топтолуп жатканы маалымдалды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2835
Комментарии
Обсуждения закрыты
Көп окулду
Учурда окулуп жатат
×