Бөлүмдөр
Дүйшөмбү, 11-декабрь
69.75    81.86    1.18    KZT 0.21
Ош

Фото - Алайдагы мектепти, турак үйлөрдү селден кийинки кум-шагыл каптады

Turmush -  Алай районунун Гүлчө айыл аймагындагы мектептин имараты менен 3 турак үйдү сел калдыктары каптап, көпүрөнү суу агызып кетти. Адамдар жабыркаган жок.

ӨКМ билдиргендей, 23-майга караган түнү Жылуу-Суу айылындагы Аданбаев атындагы орто мектептин пайдубалына чейин кум-шагыл аралашкан сел калдыктары каптаган. Андан тышкары, 3 турак үйдүн короолоруна сел суулары кирип, Таң-Атаар жайлоосуна баруучу ички чарбалык жолдун 150 метр аралыгын жараксыз абалга келтирген. Чаткы-Мазар тилкесине өтүүчү ашар жолу менен курулган ички чарбалык көпүрөнү да суу агызып кетти.

Кечээ, 24-май күнү жеринде ӨКМдин райондук бөлүмүнүн башчысы, айыл аймактын жарандык коргонуу комиссиясы тактоо иштерин жүргүзүшкөн. Учурда жергиликтүү бийлик атайын техникалар менен калыбына келтирүү иштерин жүргүзүү аракетин көрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1187
Комментарии
Обсуждения закрыты
Көп окулду
×