Бөлүмдөр
Шаршемби, 18-октябрь
68.51    80.77    1.2    KZT 0.21
Ош

Ноокат районунда 2 унаа кагышып, 1 айдоочу ооруканадан каза болду

Turmush -  Кечээ, 9-августта Ноокат районунун Кеңеш айылында 2 унаа кагышып, 45 жаштагы адам каза болду.

Патрулдук милициянын Ош облусу боюнча бөлүмүнүн маалыматына караганда, Ноокат РИИБге кырсык тууралуу саат 21:00 чамасында маалымат түшкөн. Ош — Исфана жолунда оор жүк ташуучу «DAF» үлгүсүндөгү унаа менен «Фольксваген Пассат» үлгүсүндөгү жеңил унаа кагышкан. Анын кесепетинен жеңил унаанын 1972-жылы туулган айдоочусу О.А. оор жаракат алып, Кызыл-Кыя шаардык ооруканасына жеткирилип, бирок өзүнө келбей каза болгон. Ал Ноокат районунун Төөлөс айыл өкмөтүнүн тургуну экендиги такталды.

Ал эми, оор жүк ташуучу «DAF» үлгүсүндөгү унаанын айдоочусу Жалал-Абад облусунун Аксы районунун 31 жаштагы тургуну экендиги белгилүү болду. Учурда аталган кырсык боюнча териштирүү иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 958
Комментарии
Обсуждения закрыты
Көп окулду
×