Бөлүмдөр
Шаршемби, 20-июнь
Ош

Фото, видео - Ноокатта 1 айдан бери жол четинде турган унаанын ээсин издеп жатышат

Turmush -  Ноокат районунда «Ниссан Марч» үлгүсүндөгү автоунаанын ээси изделип жатат. Ош ОИИБдин Патрулдук милиция бөлүмүнүн басма сөз кызматынын билдирүүсү боюнча, аталган унаа Ош—Ноокат жолунун 25-чакырымында табылган.

Ал унаа жолдун четинде 1 айдан ашык убакыт кароосуз турган. Аны «Хонда Стэпвагон» үлгүсүндөгү унаа сүзүп, кырсыкка учураган.

Милиция кызматкерлерине жабыркаган «Хонда Стэпвагон» үлгүсүндөгү унаанын ээси кайрылып, андан кийин гана текшерүү иштери башталган. Учурда унаа Ноокат РИИБдин Патрулдук милиция бөлүмүнүн гаражында токтоп турат.

«Азыркыга чейин унаанын ээси табыла элек. Ээси ал унааны эмне себептен таштап кеткенин териштирүү иштери жүргүзүлүүдө», - деп айтылат маалыматта.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2347
Көп окулду
×