Бөлүмдөр
Шейшемби, 16-июль
Ысык-Көл облусуЖети-Өгүз району 21.10.2017 17:25

Тагдыр: Кыз төрөгөндүгү үчүн күйөөсү таштап кеткен 40 жаштагы Гүлзат инсульт алып, майып болду (фото)

Turmush -  Жети-Өгүз районунун Кызыл-Суу айылынын 40 жаштагы тургуну Гүлзат Төрөгелдиева экинчи кызын төрөгөндөн кийин эки жолу инсульт болгон. Учурда ал 1-топтогу майып болуп, жардамга муктаж экенин айтат.

Г.Төрөгелдиеванын айтымында, ал 1977-жылы туулган. Жолдошу Кубан Акунов менен 20 жыл бирге жашап, эки кыздуу болушкан. Ал кичүү кызы Бурулду операция жолу менен төрөгөн. Андан кийин кан басымы көтөрүлүп, инсульт алган.

Учурда улуу кызы Толгонай 8 жашта, кичүүсү Бурул 3 жашта. Гүлзат жолдошу экинчи кызын төрөгөндө «кыз төрөйсүң» деп төрөт үйүнө да барбай койгонун айтат. Жолдошу эки кызы менен таштап кеткенден кийин ал эжеси Элизанын үйүндө убактылуу жашап калган. Учурда кыздары жана өзү да жардамга муктаж.

«Кичүү кызы төрөлгөндөн кийин 20 күн өткөн соң инсульт алып, 5 күн комада жатты. Кийин экинчи жолу инсульт алды. Ден-соолугу начарлап кетти. Өзүмдүн 4 балам бар. Бир жылдын ичинде 4 жолу батирден-батирге көчтүк. Сиңдимдин дары-дармектерине каражат жетпей жатат», - дейт эжеси Элиза.

Ал эми Гүлзат Төрөгелдиева жолдошу үйүн оокаттары менен бербей койгонун айтып, «ден соолугум чың болсо кыздарымды өзүм баксам экен», - дейт.

Гүлзат Төрөгелдиевага жардам берүүнү каалагандар 0779093723 номуру аркылуу байланышса болот.


Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×