Бөлүмдөр
Бейшемби, 18-октябрь
Ош облусу, Ош 06.12.2017 10:21

Ошто студенттин өлүмүнө шектелип кармалган 6 жигит 2 айга камакка калтырылды

Turmush -  Ошто студенттин өлүмүнө шектелип кармалган 6 жигит шаардык соттун чечими менен 2 айга камакка калтырылды. Бул тууралуу Ош ШИИБден билдиришти.

Маалыматка караганда, кечээ, 5-декабрда Ош шаардык соту тарабынан студенттин өлүмүнө шектүү делген 6 адамдын иши каралган. Соттук кароонун жыйынтыгында шектүүлөр 2 айга камакка алынган.

Буга чейин маалым болгондой, 3-декабрь күнү күндүзгү саат 10:30 чамасында Ош ШИИБдин оперативдүү тергөө тобу, чакыруу боюнча Ош шаарынын Н.Исанов көчөсүнө барышкан. Ал жерде унаа токтотуучу жайдын артынан башы жарылган жаракаты менен 18-25 жаштар чамасындагы жигиттин жансыз денеси табылган.

Иликтөө иштеринин натыйжасында ал жигит 1999-жылы Баткен облусунун Лейлек районунун Даркум айылында туулган тургуну, Ош мамлекеттик социалдык университетинин 1-курсунун студенти, С.уулу Дөөлөтбек экендиги такталган.

Анын өлүмүнө шектелип милиция тарабынан 6 жигит кармалып, абакка киргизилди. Кармалган балдардын экөөсү эч жерде иштебейт, төртөө Ош техникалык университетинин студенттери. Кармалган балдар 1992-жылы, 2000-жылы, 2001-жылы жана 1999-жылы туулган жигиттер болушкан. Алардын үстүнөн адам өлтүрүү беренеси боюнча кылмыш иш козголуп, тергөө жүрүп жатат. Кармалгандар өз көрсөтмөлөрүндө 2-декабрь күнү каза болгон Дөөлөтбек аларга мас абалда келип, өзү жаңжал салгандыгын, андан кийин аны сабашкандыгын, бирок өлтүрүшпөгөндүгүн айтышууда.

Учурда иликтөө иштери жүрүп жатат.

Тема боюнча: Ошто студенттин өлүмүнө шектелип кармалган 6 жигит аны өлтүрүшпөгөндүгүн айтышууда, - Ош ШИИБ

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×