Бөлүмдөр
Бейшемби, 13-декабрь
Ош облусуАлай району 28.04.2018 11:27

Бөрүлүү мезгил: Алайлык аңчылар жайлоодон 2 карышкыр атышты (фото)

Turmush -  Кечээ, 27-апрель күнү Алай районунун Курулуш айылындагы мергенчилер жайлоодон 2 карышкыр атышты. Бул тууралуу жергиликтүү тургун Алтынбек Абылаев билдирди.

Анын айтымында, учурда эл малын алып жайлоого чыгып жаткандыктан карышкырлар көп болуп жатат.

«Биздин айылдагы 3 мергенчи кышы менен карышкырларды артынан түшүп атышкан. Азыр жайлоого мал кетип жатканына байланыштуу карышкырлар көбөйө баштады. Мындан улам мергенчилерибиз Така жана Жанай жайлоолорунан 2 карышкыр атышты. Карыштырды Акназар Садыков деген мергенчибиз аткан», - деди Абылаев.

Жаратылыш ресурстарын коргоо жана пайдалануу департаментинин Алай району боюнча аңчы адиси Алимбек Айдаров учурда мергенчилер Бүлөлү айылына да карышкырга ууга чыгышканын кошумчалады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×