Бөлүмдөр
Шаршемби, 17-октябрь
Ош облусу, Ош 30.05.2018 13:12

Ошто Өзбекстандын жарандарына жасалма паспорт бергендердин иши иликтенүүдө

Turmush -  Алай районунун айылдык паспорт-виза каттоо бөлүмчөсүнүн биринин башкы адиси К.А. жасалма документ берүүгө шектелип, иликтөө жүрүп жатат. Бул тууралуу бүгүн, 30-майда Ош ОИИБдин басма сөз кызматы маалымдады.

Маалым болгондой, ал 2011-жылдын февраль айында расмий документтерге жалган маалыматтарды киргизип Өзбекстандын 1982-жылы туулган жараны Ш.М.га (аял киши) Ош облусунун Алай районунун тургуну, улуту кыргыз деп фамилиясын М.М. деп өзгөртүп 2011-жылдын 17-февраль күнү Кыргызстандын жалпы жарандык паспортун жасап берген.

Ушундай эле кылмышка Ош шаардык паспорт-виза каттоо бөлүмчөсүнүн кызматкери С.К. шектелүүдө. Ал дагы өзбекстандык жаранга паспорттогу улутун, аты-жөнүн өзгөртүп документ берген. Учурда аталган факты Ош ОИИБ тарабынан кылмыш иш козголуп тергөө амалдары аткарылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×