Бөлүмдөр
Шаршемби, 17-октябрь
Ош облусуНоокат району 04.06.2018 16:01 На русском

20 жыл мурунку бүтүрүүчүлөрдөн белек: Ноокаттык Аваз Осмонова жолдошу менен бирге Түркияда эс алып келди (фото)

Turmush -  Ноокат районуна караштуу Кыргыз-Ата айыл өкмөтүнүн Кыргыз-Ата айылындагы А.Парпиев атындагы мектеп-гимназиянын алгачкы, тактап айтканда мындан 20 жыл мурунку бүтүрүүчүлөрү класс жетекчисине эсте каларлык белек тартуулашты. 58 жаштагы Аваз Осмонова Түркиянын Анталия шарында эс алып, кечээ, 3-июнда учуп келген.

«20 жыл мурун 23 окуучумду мектептен узаттым эле. Алар быйыл чогулуп, мектепке төрт сыналгы белек кылып, биология кабинетин жабдып беришти. Ошондой эле жолдошум экөөбүзгө 8 күнгө Анталияга эс алууга билет белек кылышты. Жомоктогудай эс алып келдик. Бул өлкөгө мен биринчи жолу бардым», - деди кубанган мугалим.

Быйыл 20 жылдыкты белгилеп жаткан классташтар Аваз Осмонованын төртүнчү бүтүрүүчүлөрү.

«Окуучуларым бөйрөгүн алмаштырууга муктаж болгон жигитке да акчалай жардам беришти», - деп кошумчалады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×