Бөлүмдөр
Жекшемби, 23-сентябрь
Ош облусу, Ош 14.06.2018 11:35 Жаңыланды: 14.06.2018 11:50

Ошто 24 жаштагы келин операция жолу менен төрөгөндөн кийин каза болду

Turmush -  Ош шаарында 24 жаштагы келин операция жолу менен төрөгөндөн кийин жүрөгү токтоп каза болду. Бул маалыматты бүгүн, 14-июнда Turmush басылмасына Ош облустар аралык клиникалык ооруканасынан тастыкташты.

Дарыгерлердин айтымында, 1994-жылы төрөлгөн Р.М. 2018-жылдын февралынан тарта (кош бойлуулуктун 24-25-жумасы) кан түкүрүп, жөө баскан учурда кыйналып баштаган. Буга байланыштуу жеке клиникалардын биринде текшерүүдөн өтүп, компьютердик томографияга түшүү сунушталган. Бирок ал толугу менен текшерүүдөн өткөн эмес.

Кош бойлуу келин 19-майда жеке клиникага кайрылып, 1-июнь күнү мөөнөтүнөн мурда операция жасалып, баласы алынган. Андан эки күндөн кийин, тактап айтканда 3-июнда келиндин абалы начарлап, кайрадан тешкерүүдөн өткөрүлгөн. 7-июнда башка жеке клиникага которулуп, абалы оорлошкондо дарыгерлер 7-июнда саат 21:10до Ош облустар аралык клиникалык ооруканасынын кардиореанимация бөлүмүнө которууну чечишкен.

Анын эртеси, 8-июнда хирург, пульмонолог, гинеколог жана кардиологдор текшерип чыгып, керектүү дарылоо иштери жүргүзүлгөн. Бирок андан берки аракеттер жыйынтык бербей, 12-июнда саат таңкы 5:30да 24 жаштагы бейтап жүрөгү токтоп көз жумган.

Учурда ымыркай дарыгерлер менен жакындарынын көзөмөлүндө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×