Бөлүмдөр
Шейшемби, 25-сентябрь
Ош облусу, Ош 21.06.2018 12:05

Ошто бир нече кылмышка шектелген адам 8 жылдан кийин кармалды

Turmush -  Ош шаарында 2010-жылдын 12-июнунда массалык тартип бузуу учурунда кылмыш жасоого шектелип, изделип жаткан адам кармалды. Бул тууралуу ШИИБдин басма сөз кызматы билдирди.

Аталган түзүмдүн маалыматына караганда, 31 жаштагы шектүү кечээ, 20-июнда колго түшүрүлүп, убактылуу кармоочу жайга киргизилди. Ага карата Ош шаардык прокуратурасы тарабынан КРнын кылмыш-жаза кодексиндеги 28-97-берене (адам өлтүрүү), 233-берене (массалык тартипсиздиктер) жана 175-берененин (тарых жана маданият эстеликтерин, жаратылыш объекттерин атайылап жок кылуу же бузуу) негизинде кылмыш иш козголгон.

Шектүү — Ош шаарынын 1987-жылы туулган тургуну шаардын аймагынан сырткары жерде жашынып жүргөн. Буга чейин анын эки шериги кармалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×