Бөлүмдөр
Шаршемби, 19-декабрь
Ош облусуКара-Суу району 30.06.2018 14:40

Кара-Суунун Жылкелди айылындагы негизги жолго асфальт төшөлдү (видео, фото)

Turmush -  Кара-Суу районунун Ак-Таш айыл өкмөтүнө караштуу Жылкелди айылынын негизги көчөсү асфальтталып, пайдаланууга берилди. Бул тууралуу аталган айыл өкмөттүн башчысы Тыныч Бектиров билдирди.

Анын айтымында, Жылкелди айылындагы 1 чакырым жолго асфальт төшөлгөн.

«Биз асфальт төшөөгө жергиликтүү бюджеттен 1 млн 600 миң сом каражат бөлдүк. 1 чакырым жолдун жарымын оңдоого айылдагы демөөрчүлөр жардам беришти. Учурда жол асфальтталып бүтүп, пайдаланууга берилди. Мындан сырткары быйыл ички жолдорго шагыл төшөө үчүн жергиликтүү бюджеттен 500 миң сом каралган», - деди Т.Бектиров.

Бүгүн, 30-июнь күнү айыл эли көптөн күткөн жолду ачуу үчүн чогулушту. Жергиликтүү тургундардын айтымында, жол көйгөйү көп жылдан бери чечилбей, жаан-чачында ыңгайсыздык жаратып келген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×