Бөлүмдөр
Шаршемби, 22-август
Ош

Бишкек—Ош жолунда жеңил унаа менен мотоцикл кагышып, 52 жаштагы аял каза болду (сүрөт)

Turmush -  Кечээ, 22-июлда саат 21:30 чамасында Бишкек—Ош унаа жолунун 610-чакырымында, тактап айтканда Өзгөн районунун Прогресс айылында жол кырсыктын кесепетинен 52 жаштагы аял киши көз жумду. Бул маалыматты Ош облустук жол кыймылынын коопсуздугун камсыздоо бөлүмүнөн тастыкташты.

Маалыматка караганда, Өзгөн районунун 1975-жылы туулган тургуну М.А.нын башкаруусундагы «Фольксваген Гольф» үлгүсүндөгү унаа «Партнер Нефть» май куюучу станциясына кирип бара жатып, карама-каршы тилкедеги «Иж планета-5» үлгүсүндөгү мотоцикл менен кагышкан. Түндүктөн түштүккө карай бара жаткан мотоцикл аталган райондун 1964-жылы туулган тургуну Б.М.дин башкаруусунда болгон.

Кырсыктын кесепетинен мотоциклдин айдоочусу ооруканага жеткирилип, аны менен бирге келе жаткан жубайы — 1966-жылы туулган М.М. райондук оорукананын жандандыруу бөлүмүндө көз жумду.

Бул факты боюнча соттук-медициналык экспертиза дайындалып, Өзгөн РИИБ тарабынан тергөө иштери жүргүзүлүүдө.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1061
Комментарии
Для добавления комментария необходимо быть нашим подписчиком
Көп окулду
×