Бөлүмдөр
Шаршемби, 24-октябрь
Ош облусуЧоң-Алай району 03.08.2018 19:34 На русском

Сүрөт — Чоң-Алайда Ленин чокусунун 90 жылдык мааракесин белгилешти

Turmush -  Бүгүн, 3-август күнү Чоң-Алай районунда Ленин чокусунун 90 жылдык мааракеси белгиленди. Майрамдык салтанатка өкмөттүн Ош облусундагы өкүлчүлүгүнөн өкүлдөр, район акими Жумадилла Жапаров, акимдин орун басарлары, райондогу 3 айыл өкмөттүн башчылары, сырттан келген коноктор жана жергиликтүү тургундар күбө болуп жатышат, деп билдирди аймактык кабарчы.

90 жылдык мааракени белгилөө Кашка-Суу айыл өкмөтү тарабынан демилгеленген. Салтанаттын жүрүшүндө улуттук ат оюндары, кол күрөш, таяк тартыш, аркан тартыш, күрөш боюнча мелдештер да өтүп жатат. Мындан сырткары айылдык кол өнөрчүлөрдүн эмгектеринин көргөзмөсү, тамак-аш көргөзмөлөрү уюштурулган. Ал эми конокторду дасторкон үстүндө коноктоп жатышат.

Катышуучулардын арасында чет өлкөдөн келген туристтер дагы бар.

Ленин чокусу Чоң-Алай кырка тоосундагы эң бийик чоку. Бийиктиги 7134 метрге жетет. Чокуга альпинисттер биринчи болуп 1934-жылы чыгышкан.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×