Бөлүмдөр
Бейшемби, 20-июнь
Ош облусу 14.08.2018 12:01 Жаңыланды: 14.08.2018 12:18

Өкмөттүн Оштогу өкүлчүлүгүнүн аппаратын Мурадин Тешебаев жетектейт (эмгек жолу)

Turmush -  Өкмөттүн Ош облусундагы ыйгарым укуктуу өкүлчүлүгүнүн аппарат жетекчиси болуп Мурадин Тешебаев дайындалды. Бул тууралуу өкмөттүн Ош облусундагы ыйгарым укуктуу өкүлчүлүгүнүн басма сөз катчысы Айтмат Азамжан уулу билдирди.

М.Тешебаев буга чейин Өкмөт аппаратынын экономика жана инвестиция бөлүмүнүн башчысынын орун басары болуп эмгектенип келген. Эми ротация жолу менен өкмөттүн Ош облусунун ыйгарым укуктуу өкүлчүлүгүнүн аппарат жетекчиси болуп дайындалып, жамаатына тааныштырылды.

Мурадин Тешебаев

Тешебаев Мурадин Жолдошович 1973-жылы Ош облусунун Кара-Суу районундагы Каратай айылында туулган. Үй-бүлөлүү, 2 кыз, 1 уулдун атасы.

Билими жогорку. 1990-1996-жылдары Ош технологиялык университетинин технологиялык факультетин «инженер-технолог» адистиги боюнча аяктаган.

Эмгек жолу:

- 2000-2001-жылдары — Кара-Суу райондук кеңеши, алдыңкы адис;

- 2001-2004-ж — Кара-Суу райондук мамлекеттик администрациясы, башкы адис;

- 2004-2007-ж — Ош облустук мамлекеттик администрациясы, агрардык өнүктүрүү бөлүмү, алдыңкы адис;

- 2007-2008-ж — Ош облустук мамлекеттик администрациясы, өнөр жай, курулуш, транспорт жана коммуникациялар бөлүмү, башкы адис;

- 2008-2009-ж — Ош облустук мамлекеттик администрациясы, финансы бөлүмү, башкы адис;

- 2009-2010-ж – Ош облустук мамлекеттик администрациясы, экономиканы өнүктүрүү жана инвестицияларды тартуу бөлүмүнүн туризм жана ишкерлик сектору, башчы;

- 2010-2011-ж – Ош облустук мамлекеттик администрациясы, экономиканы өнүктүрүү жана инвестицияларды жана финансы тартуу бөлүмүнүн туризм жана ишкерлик сектору, башчы;

- 2011-2012-ж — Ош облустук мамлекеттик администрациясы, экономиканы өнүктүрүү жана инвестицияларды жана финансы тартуу бөлүмү, башчы;

- 2012-2013-ж — Кыргыз Республикасынын Өкмөтүнүн Ош облусундагы ыйгарым укуктуу өкүлчүлүгүнүн аппараты, аймактык өнүктүрүү бөлүмү, башчы;

- 2013 — 2016-ж — Ош облусунун Кара-Суу райондук мамлекеттик администрациясы, жетекчинин биринчи орун басары;

- 2016-жылдын май айынан тарта – Кыргыз Республикасынын Өкмөтүнүн аппараты, экономика жана инвестициялар бөлүмү, башчынын орун басары.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×