Бөлүмдөр
Дүйшөмбү, 22-октябрь
Ош облусуКара-Суу району 26.09.2018 17:57 На русском

Сүрөт — Кара-Суудагы жол кырсык 2 адамдын өмүрүн алды

Turmush -  Кара-Суу районунун Отуз-Адыр айылында эки унаа кагышты. Анын кесепетинен 2 адам окуя болгон жерде каза болуп, экөө ооруканага жеткирилген. Бул кырсык тууралуу маалыматты Ош облусу боюнча жол кыймылынын коопсуздугун камсыздоо бөлүмүнөн тастыкташты.

Кырсык бүгүн, 26-сентябрда саат 06:11 чамасында Бишкек—Ош эл аралык автоунаа жолунун 648-чакырымында, тактап айтканда Кара-Суу районунун Отуз-Адыр айылынын чыга беришинде болгон. «Хонда Цивик» үлгүсүндөгү автоунааны Кара-Суу районунун 1996-жылы туулган тургуну Э.Ж. башкарып, Өзгөн району тараптан Ош шаарына бара жаткан. Ал Ош шаарынан Бишкекке карай Бишкек шаарынын 1967-жылы туулган тургуну М.А. башкарып бараткан «Форд Курьер» үлгүсүндөгү автоунаа менен кагышкан.

Анын кесепетинен «Форд Курьер» үлгүсүндөгү автоунаанын айдоочусу жана жүргүнчү — Чоң-Алай районунун 1967-жылы туулган тургуну А.А. оор жаракат алып, көп узабай көз жумушкан. Ал эми «Хонда Цивик» үлгүсүндөгү автоунаанын айдоочусу менен 2 жүргүнчүсү — Кара-Суу районунда 1996-жылы туулган жигиттер Ош облустук клиникалык ооруканасына оор абалда жеткирилди.

Учурда окуя боюнча Кара-Суу РИИБ тарабынан тиешелүү экспертизалар дайындалып, тергөө иштери жүргүзүлүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×