Бөлүмдөр
Шейшемби, 16-октябрь
Ош облусуЧоң-Алай району 01.10.2018 19:40 На русском

Чоң-Алайда 4 миң орундуу стадион ачылды

Turmush -  Чоң-Алай районунда суу чарба башкармалыгынын административдик имараты менен 4 миң орундуу стадион пайдаланууга берилип, бүгүн, 1-октябрда кызыл тасмасы кесилди. Бул тууралуу өкмөттүн Ош облусундагы өкүлчүлүгүнөн билдиришти.

Ачылыш аземге өкмөттүн Оштогу өкүлү Узарбек Жылкыбаев, Чоң-Алай районунун акими Жумадилла Жапаров, жергиликтүү тургундар катышты.

Маалым болгондой, суу чарба башкармалыгынын имараты жер титирөөдөн улам жараксыз абалга келип, 2017- жылы жаңы имараттын курулушу башталган. Курулуш республикалык бюджеттен каржыланып, сметалык баасы 8 млн 954 миң сомду түзгөн. Бирок курулуш 4 млн 951 миң 94 сомго бүткөрүлүп, каражат үнөмдөлдү.

Ошону менен катар Дароот-Коргон айылында райондогу эң чоң 4 миң орундуу стадион курулган. Стадион Өнүктүрүү фонду тарабынан курулуп, жалпы 14 млн 700 миң сом сарпталды. Курулуш иштери 2017-жылы сентябрь айында башталган эле.

Бүгүн стадиондун ачылышына карата түрдүү тамак-аштардын жармаңкеси, спорттук оюндар да уюштурулду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×