Бөлүмдөр
Шейшемби, 16-июль
Ош облусу, Ош 20.04.2019 16:56

«Ош—Түрк дүйнөсүнүн маданий борбору» иш-чарасына кайсы чиновниктер келди?

Turmush -  Бүгүн, 20-апрелде Ош шаардык кеңешинин жыйындар залында түрк тилдүү өлкөлөрдөн келген расмий делегациялардын катышуусунда жыйын болуп өттү. Бул тууралуу аймактык кабарчы билдирди.

Ага расмий коноктордон тышкары, Ош шаарынын мэри Таалайбек Сарыбашев, өкмөттүн Ош облусундагы өкүлү Узарбек Жылкыбаев, Бишкек шаарынын мэри Азиз Суракматов, өкмөттүн Нарын облусундагы өкүлү Аманбай Кайыпов, Баткен облусунун жетекчиси Абиш Халмурзаев, өкмөттүн Талас облусундагы өкүлү Марат Мураталиев, Ысык-Көл облусунун башчысы Акылбек Осмоналиев, өкмөттүн Жалал-Абад облусундагы өкүлү Кыянбек Сатыбалдиев жана Жогорку Кеңештин депутаттары катышты.

Анда расмий делегациялардын өкүлдөрү Ош—Түрк дүйнөсүнүн маданий борбору болуп табылганына кубанычта экендиктерин билдиришип, өз өлкөлөрүнүн атынан Ошко салам жолдошту.

Андан соң Таалайбек Сарыбашев ТҮРКСОЙдун катчысына, түрк тилдүү мамлекеттердин парламентинин төрагасына, Казакстандын Кыргызстандагы ыйгарым укуктуу элчисине, Түркиянын Кыргызстандагы элчисине, Өзбекстандан, Түркмөнстандан жана башка өлкөлөрдөн келген конокторго белектерди тапшырды.

Ага улай мэр Азиз Суракматовго, өкмөттүн облустардагы өкүлдөрүнө белектерди тапшырды. Андан соң ТҮРКСОЙдун катчысы мэрге өз белегин берди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×