Бөлүмдөр
Ишемби, 20-июль
Нарын облусуАк-Талаа району 25.04.2019 15:40

Ак-Талаада жаңы түзүлгөн 8 үрөн фондуна 23 тонна үрөн берилди (сүрөт)

Turmush -  Нарын облусунун Ак-Талаа районунун 7 үрөн фондуна 15 тонна гелиос түрүндөгү арпанын тектүү үрөнү алынып келингендигин райондук агрардык өнүктүрүү башкармалыгынын адиси Бакыт Итикулов аймактык кабарчыга билдирди.

Маалым болгондой, райондук мамлекеттик администрациянын «Жаңы багыт» программасы аркылуу айыл аймактардын жайыт комитеттеринин алдында жаңы түзүлгөн 7 үрөн фонддорун колдоо максатында ар бир үрөн фондуна 40 миң сомдон каражат — бюджеттик насыя берилди. Бул каражатка Ысык-Көл облусунун Ак-Суу районунан 15 тонна гелиос түрүндөгү арпанын үрөндөрү алынып келип, Жерге-Тал, Коңорчок, Кара-Бүргөн, Ак-Чий, Терек, Үгүт жана Кызыл-Белес айылдарындагы үрөн фонддорго өткөрүлдү. Бул үрөн аталган айылдарда 10 гектар аянтка, жалпы 70 гектар аянтка себилет.

Мындан сырткары, Жаңы-Талап айыл аймагында жаңыдан үрөн фонду түзүлүп, өз ишин баштаган. Буга Кыргыз жайыты ассоциациясы тарабынан гетман түрүндөгү 8 тонна үрөн берилип, ал жалпы 40 гектар аянтка себилет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×