Бөлүмдөр
Шаршемби, 17-июль
Ош облусуКара-Суу району 24.06.2019 11:11 На русском

Кара-Сууда Ак-Буура дарыясына унаа кулап, 3 адамдын өмүрү кыйылды

// Turmush

Turmush -  22-июнда саат 22:00 чамасында Кара-Суу районунда Ош–Папан–Кожокелең унаа жолунун 30-чакырымында (Алчалуу тилкеси) Ак-Буура дарыясына унаа кулап, 3 адамдын өмүрү кыйылды. Бул тууралуу бүгүн, 24-июнда ӨКМден билдиришти.

Маалыматка караганда, дарыяга «Жигули» үлгүсүндөгү унаа түшүп кеткен. Анын ичинде 2 эркек киши, 1 бала – 1976-жылы туулган С.М., 1978-жылы туулган Т.А. жана 2009-жылы туулган Ж.Ш. болгон.

Кечээ, 23-июнь күнү унааны суудан чыгаруу үчүн ӨКМден 3 куткаруучу, 7 суучул, Папан айыл аймагынан 1 экскаватор, 1 кран тартылган. Саат 09:00 чамасында унаанын айдоочусу — 1976-жылы туулган С.М.нын, саат 10:30да 2009-жылы туулган Ж.Ш.нын, саат 16:30да 1978-жылы туулган Т.А.нын денелери табылып, туугандарына өткөрүлүп берилди.

Мындан сырткары унаа дагы суудан чыгарылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×