Бөлүмдөр
Шаршемби, 17-июль
Ош облусу, Ош 24.06.2019 13:47

Өч алууга барып, жаш кызды 2 жолу зордуктаган жигит аны бычак менен коркуткан (толукталды)

Иллюстрациялык сүрөт
Иллюстрациялык сүрөт

Turmush -  Ош шаарында өзү жашаган батирде зордукталган 24 жаштагы кыз катуу коркуп калгандыктан психологдордон жардам алууда. Бул тууралуу аймактык кабарчыга кыздын жактоочусу билдирди.

Turmush басылмасы Ош шаарында 27 жаштагы жигит 24 жаштагы кызды зордуктоого шектелип жатканын жазган. 20-июнь күнү саат 21:30 чамасында Ош ШИИБге Жалал-Абад облусунун Ала-Бука районунда төрөлгөн кыз арыз менен кайрылган. Ал Ош шаарындагы батирлердин биринде жашай тургандыгын айтып, түндө кара кепка кийип, кара көз айнек тагынган, бет капчан жигит батирине кирип келип, «сенден өч алганы келдим» деп зордуктаганын билдирген. Кылмышка шектүү катары 27 жаштагы жигит кармалган. Ал зордукталган кыз буга чейин аны каматканы үчүн ушул ишке барганын билдирген.

24 жаштагы кыздын жактоочусу Мухайе Абдураупованын айтымында, шектүү кызды бычак менен коркутуп зордуктаган.

«Зордуктоо катталганда кыздардын боюна бүтүп калбашы үчүн СПИД борборуна жөнөтүлөт. Азыр кыз психологдордон да кеңеш алып жатат. Шектүү аны бычак, скотч менен коркуткан. Бирок скотчту пайдаланган эмес. Бир түндө эки ирет зордуктаган. Учурда тергөө иштери жүрүп жатат», - деди М.Абдураупова.

Ош шаардык ички иштер башкармалыгынын маалыматына караганда, бүгүн, 24-июнь күнү шектүү Ош шаардык соту тарабынан Жазык кодексинин 202-беренесинин негизинде (Каракчылык) 2 айга камакка алынды. Тергөө иштери уланууда.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×