Бөлүмдөр
Шаршемби, 17-июль
Ош облусуАраван району 25.06.2019 11:14

Жубайы менен кошо сууга аккан адамды издөө убактылуу токтотулду

Иллюстрациялык сүрөт
Иллюстрациялык сүрөт

Turmush -  20-июнь күнү Араван районунун Нур-Абад айыл өкмөтүнө караштуу Кайрагач-Арык айылында каналга агып кеткен жубайлардын бири — 33 жаштагы Х.Х.ны издөө иштери 2 күнгө убактылуу токтотулду. Себеби каналдагы суунун деңгээли көтөрүлүп кеткен. Бул тууралуу Өзгөчө кырдаалдар министрлигинин басма сөз кызматынан билдиришти.

ӨКМдин маалыматына караганда, суунун деңгээли 2 күндөн кийин азайтылат жана издөө иштери улантылат.

Жергиликтүү тургундардын айтымында, 1986-жылы туулган Х.Х. айылда телефон оңдоп, үй-бүлөсүн устачылык аркылуу багып келген.

Х.Х.нын жубайы — 1997-жылы туулган А.Г.нын денеси 22-июнь күнү Өзбекстандын аймагынан табылган. Издөө иштерин Өзбекстандын куткаруучулары жүргүзгөн. 23-июнь күнү А.Г.нын денеси туугандарына өткөрүлүп берилген.

Turmush басылмасы 20-июнь күнү сууга агып кеткен жубайларды жеринде издөө үчүн ӨКМден жалпы 22 куткаруучу, ИИМден 20 кызматкер тартылганын жазган. 21-июнь күнү дагы издөө иштери улантылып, ӨКМдин Кризистик кырдаалда башкаруу борборунун кызматкерлери тарабынан Өзбекстандын Өзгөчө кырдаалдар министрлигине издөө иштерине көмөктөшүү жөнүндө кат жолдонгон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×