Бөлүмдөр
Шаршемби, 17-июль
Ош облусу, Ош 01.07.2019 17:37 На русском

Прокурордун өлүмү: Сот жактоочунун номурларды текшерүү боюнча өтүнүчүн канааттандырган жок

Turmush -  Баткен облусунун мурунку прокурору — маркум Анарбай Мамажакыповдун өлүмүнө байланыштуу соттук териштирүүнүн алкагында Баткен облусунун ошол учурдагы прокурору Мирлан Калыбековдун учурундагы орун басар Санжар Кочкорбаевдин көрсөтмөсүнөн кийин шектүү Мелис Калыковдун жактоочусу Жайчибеков өтүнүч билдирди.

Бул өтүнүч бүгүн, 1-июлда күндүн экинчи жарымында келтирилди.

«Урматтуу төрага, Улан Нарматов деген күбөнүн эки телефон номурун текшертүүнү суранам. Ал 2018-жылдын 17-19-ноябрь күндөрү шаарда болгонбу деген суроого жооп алыш керек», - деди Жайчибеков.

Төрага Жолборс Кудаяров мамлекеттик айыптоочуларга кайрылып: «Мамлекеттик айыптоочулар макулсуңарбы?», - деди.

Мамлекеттик айыптоочу: «Макулбуз», - деп жооп берди.

Төрага: «Анда сот кеңешме бөлмөгө чыкпай туруп токтом кылат. Жайчибековдун өтүнүчү канааттандырылсын», - деди.

Ошондой эле жактоочу кылмыш ишине дагы тиркелген видео материалдар, буюмдар менен таанышып чыгуу боюнча өтүнүч келтирди. Бирок анын өтүнүчүн сот канааттандырарлыксыз деп тапты. Баткен районунун ошондогу прокурору Мирлан Калыбековдун текшерүүгө берген эки телефон номурунан сырткары башка 4 номурун текшерүү боюнча өтүнүчү да канааттандыруусуз калтырылды.

Ага чейин соттук отурумдун башталышында шектүү М.Калыков эки өтүнүч билдирген.

«Мен буга чейин бул иш менен толук таанышкан эмесмин. Тергөөчү иш менен толук тааныштырбай эле ишти сотко өткөрүп жиберди. Экинчи соттук отурумга сот арачыларынын катышуусун суранам. Ал эми Конституцияда 2015-жылдан баштап сот арачылары Чүй жана Ош облусундагы соттук отурумдарга катыша алат», - деди М.Калыков.

Төрага Жолборс Кудаяров биринчи өтүнүчү боюнча мамлекеттик айыптоочулар, жактоочулар менен сүйлөшкөндүгүн, соттук иш уланып жатканына байланыштуу кылмыш иши менен тааныша албастыгын, бирок ошондой болсо да кылмыш иштин көчүрмөсүн жактоочуларына, туугандарына берип жаткандыгын айтты.

«Кылмыш иштин көчүрмөсү начар болуп калса көчүрмөлөрүн кайра берели. Экинчи өтүнүчүңүз кабыл алынды. Негизи сот арачылар соттук отурумга 2020-жылдын 1-январынан баштап катыша алышат. Ошондой болсо да мамлекеттик айыптоочулар, жактоочулар менен кеңешип коелу», - деди сот.

Мамлекеттик айыптоочулар: «Жазык кодекси боюнча сот арачылары 2020-жылдын 1-январынан баштап катыша алат. Ошондуктан шектүүнүн экинчи өтүнүчү канааттандырарлык болуп калтырылсын», - деп билдиришти.

Жактоочу Жайчибеков: «Мен шектүү менен макулмун», - деди.

Жактоочу Асылбек Күңгуров: «Биз шектүү менен макулбуз», - деди.

Төрага Жолборс Кудаяров: «Анда сот кеңешме бөлмөгө кирбей туруп токтом кылат. Шектүүнүн өтүнүчү канааттандырылсын. Өтүнүч боюнча сот арачыларынын соттук отурумга катышуусу боюнча маселе Жогорку сотунун Конституциялык палатасында такталсын», - деди.

Окуя тууралуу:

2018-жылы 17-ноябрь күнү саат 22:10 чамасында Баткен шаарынын Турдумаматов көчөсүнөн «Лексус 470» үлгүсүндөгү унаа табылган. Аны кароо учурунда капталдарында кандын тактары болгон.

Баткен ОИИБдин кызматкерлери түнү бою иликтөө иштерин жүргүзүшүп, анын натыйжасында Баткен шаарынын Кызыл-Жол кварталынын батыш тарабындагы участкадан Баткен облусунун прокурору Анарбай Мамажакыповдун киши колдуу болгон сөөгүн табышкан. Бул жагдай боюнча Кылмыш-жаза кодексинин (эски кодекс) 97-беренеси (адам өлтүрүү) менен кылмыш иши козголгон.

Кылмышка шектүү катары Баткен облустук капиталдык курулуш башкармалыгынын башчысы М.Калыков кармалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Тема боюнча:

24.11.2018Баткендеги прокурордун өлүмү: Кылмышка шектелген адамга кыйноо болгон жок, ал жаракаттарды мурда эле алган, - ИИМ
24.11.2018Баткендеги прокурордун өлүмү: Кылмышка шектелген адам аны атып өлтүрүп, андан кийин денесин өрттөгөн, - ИИМ
26.11.2018Баткендеги прокурордун өлүмүнө шектүүнүн арызы Башкы прокуратурага жөнөтүлдү, - Кыйноолорду алдын алуу борбору
30.01.2019«Бешөөбүз болчубуз, жалгыз Калыков жооп бериш керекпи?»: Прокурордун өлүмүнө шектелген М.Калыков сот залынан кайрылуу жасады. Видео
30.01.2019Мамажакыпов менен коррупцияны жоюу боюнча сүйлөшүп, ушундай абалга түшүп отурам: Прокурордун өлүмүнө шектелген М.Калыковдун соттогу сөзү
19.04.2019Баткендеги прокурордун өлүмү: Экспертизанын жыйынтыктарында күмөндүү жагдайлар бар, - шектүүнүн жактоочулары
07.05.2019Баткендеги прокурордун өлүмү: Маркум менен шектүүнүн жакындары кайым айтышты. Видео
21.05.2019Баткендеги прокурордун өлүмү: Тергөө иштериндеги мыйзам бузуулар жөнүндө арыз райондук сотто каралды
22.05.2019Баткендеги прокурордун өлүмү: Соттук отурумда жаңжал чыкты. Видео
Пикирлер
Для добавления комментария необходимо быть нашим подписчиком
×