Бөлүмдөр
Шаршемби, 17-июль
Ош облусуКара-Суу району 02.07.2019 11:15

Кара-Сууда унаа сүзүп кеткен адам ооруканада каза болду

Бейтапты сүзүп кеткен унаа
Бейтапты сүзүп кеткен унаа

Turmush -  Кара-Суу районунда унаа сүзүп кеткен 66 жаштагы эркек киши ооруканада өзүнө келбей каза болду. Бул маалыматты Ош облусу боюнча жол кыймылынын коопсуздугун камсыздоо бөлүмүнөн тастыкташты.

Кечээ, 1-июль күнү саат 22:30 чамасында Бишкек—Ош унаа жолунун 655-чакырымында, тактап айтканда Кара-Суу районунун Мады айыл өкмөтүнө караштуу Учкун айылында 1998-жылы туулган Р. уулу Н. өзүнүн «Дэу Матиз» үлгүсүндөгү автоунаасын Өзгөн шаарынан Ош шаарына карай башкарып бара жаткан. Ал жолдон өтүп бара жаткан жөө жүргүнчүнү сүзүп кеткен.

Жабырлануучу Учкун айылынын 1953-жылы туулган тургуну Ж.М. экени аныкталган. Ал Ош облустар аралык клиникалык ооруканасына жеткирилип, бирок өзүнө келбей каза болду. Ал эми аны унаасы менен сүзүп кеткен айдоочу Өзгөн районунун тургуну экени белгилүү болду.

Учурда аталган факт боюнча Кара-Суу райондук ички иштер бөлүмү тарабынан тийиштүү экспертизалар дайындалып, тергөө иштери жүргүзүлүүдө.


Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×