Бөлүмдөр
Шаршемби, 17-июль
Ош облусуКара-Суу району 05.07.2019 16:13

Ак-Бууранын жээгине мыйзамсыз аттракцион курган ишкер айыпка жыгылды

Иллюстрациялык сүрөт
Иллюстрациялык сүрөт

Turmush -  Ак-Буура дарыясынын аймагында мыйзамсыз эс алуучу жай курган ишкер айыпка жыгылды. Бул тууралуу Мамэкотехинспекциянын Кара-Суу райондук аймактар аралык башкармалыгынын жетекчиси Рысбек Юсупов билдирди.

Кара-Суу районунун Төлөйкөн айылындагы Даңги участкасында Ак-Буура дарыясынын корук зонасына М.А. аттуу ишкер мыйзамсыз аттракцион (аскадан жип менен секирүүчү аттракцион) куруп алганы үчүн ишмердүүлүгү токтотулуп, айып пул салынган.

Рысбек Юсуповдун айтымында, Ак-Буура дарыясынын корук аймагында мыйзамсыз эс алуучу жай курулганы жергиликтүү тургундар жазган арыздын негизинде аныкталган.

«Ишкерге 7,5 миң сом айып салынды. Эми ал өз күчү менен эс алуучу жайын бузушу керек», - деди Р.Юсупов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×