Бөлүмдөр
Шаршемби, 17-июль
Жалал-Абад облусу, Кара-Көл 12.07.2019 10:12 На русском

Бишкек—Ош жолундагы кырсыктан эки бажа каза болду. Сүрөт

Turmush -  Бишкек—Ош жолунун Кара-Көл шаарындагы тилкесиндеги жол кырсыктан 2 бажа каза болду, деп билдирет Turmush басылмасынын кабарчысы.

Жол кырсык 9-июлда саат 15:20 чамасында Бишкек—Ош жолунун 379-чакырымында болгон. Сегиз киши «Фольксваген» үлгүсүндөгү унаада Майлуу-Суу шаарынан Бишкекти көздөй бара жатышкан. Жол кырсыктан улам алардын алтоо жаракат алып, шаардык ооруканага жеткирилген.

Эки жүргүнчү оор жаракаттын кесепетинен көп узабай каза болгон. Алар Майлуу-Суу шаарынын тургундары — 1966-жылы туулган Н.Болотбек жана 1964-жылы туулган С.Мамытбек экени такталды.

Ал эми жабыркаган 6 адам Кара-Көл шаардык ооруканасына жеткирилген:

- 1990-жылы туулган С.уулу Э., Ноокен районунун Бүргөндү айылынын жашоочусу;

- 1993-жылы туулган Н.Б., Ноокен районунун Рахманжан айылынын тургуну;

- 1991-жылы туулган К. уулу Т., Өзгөн районунун Киров айылынын тургуну;

- 1990-жылы туулган У.К., Ноокен районунун Жаңы-Кыштак айылынын тургуну;

- 1991-жылы туулган Т.Э., Ноокен районунун тургуну;

- 1971-жыл туулган Т.Ырысбек, айдоочу.

Буга чейин Бишкек—Ош жолунун Кара-Көл шаарындагы тилкесинде жол кырсык болуп, 2 адам көз жумганы жана 6 адам ар кандай жаракаттарды алганы маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×