Бөлүмдөр
Жума, 18-октябрь
Ош облусуАраван району 25.09.2019 16:27

Араванда 100дөй адам жөө жүрүш жасады (сүрөт)

Turmush -  Араван районунда табигый кырсыктарды алдын алуу максатында 100гө жакын адам жөө жүрүш жасады. Бул тууралуу аймактык кабарчы билдирди.

Жөө жүрүш 5-октябрь — Кырсыктардын тообокелдигин азайтуу улуттук күнүнө карата уюштурулган. Иш-чара Араван районунун борбордук аянтында кечээ, 24-сентябрда өткөрүлгөн. Ага өкмөттүн Ош облусундагы өкүлүнүн орун басары Ахмаджан Махамаджанов, өзгөчө кырдаалдар министринин орун басары Калыс Ахматов катышты.

Катышуучулар 300 метр жолду басып өтүшкөндөн кийин, ӨКМдин кызматкерлери кырсык учурунда кантип сактануу керек экенин көрсөтүп беришти.

«Иш-чарага Ош облусундагы жарандык коргонуу кызматтарынын кызматкерлери тартылды. Жер титирөө, суу ташкындарын алдын алуу максатында уюштуруп жатабыз», - деди К.Ахматов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×