Бөлүмдөр
Ишемби, 23-ноябрь
Ош облусуАлай району 05.11.2019 18:00

Ош—Эркечтам жолундагы ашууга кар жаап, унаалар токтоп турат

Талдык ашуусу
Талдык ашуусу

Turmush -  Ош—Талдык—Эркечтам жолунда 20га жакын жүк ташуучу унаа ашуудан өтө албай токтоп турат. Бул тууралуу аймактык кабарчы билдирди.

Бүгүн, 5-ноябрда Ош—Эркечтам унаа жолундагы Талдык ашуусунда кар жаап, кышка даяр эмес, тактап айтканда жайкы дөңгөлөктөрү алмаштырыла элек жүк ташуучу унаалар жана жеңил унаалар токтоп турат. Кар Алай районунун Арчалы айылынан Сары-Таш айылына чейинки аймакта жааган.

Учурда ашууда 20га чукул унаа токтоп турат. Ал эми бир жүк ташуучу унаа Ош шаарынан Сары-Ташты көздөй бара жатканда ашуудан чыга албай, тайгаланып, жолдун четине чыгып калган. Жабыркагандар жок.

Жолду тейлеген ишкананын кызматкерлери кум сээп, тыгылган унааларды ашуудан өткөрүүгө жардам берип жатышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×