Бөлүмдөр
Шейшемби, 10-декабрь
Ош облусуАлай району 19.11.2019 11:23 На русском

Алайда жолдун четинде жатып калган адамды унаа тебелеп кетти

Алай району
Алай району

Turmush -  Алай районунда жолдун четинде жаткан 51 жаштагы кишини унаа тебелеп, каза болду. Бул маалыматты Ош облусу боюнча жол кыймылынын коопсуздугун камсыздоо бөлүмү тастыктады.

14-ноябрь күнү саат 19:00 чамасында Алай районунун Жошолу айыл өкмөтүнө караштуу Үч-Чат айылынын 1996-жылы туулган тургуну З.А.У. өзүнүн «Ниссан» үлгүсүндөгү унаасы менен Гүлчө айылына бара жаткан. Ал Осоавиахим айылында жолдун оң жак тарабында жаткан Б.Б.О. аттуу жаранды унаасы менен тебелеп кеткен. Кырсыктын кесепетинен жабырлануучу Алай аймактык ооруканасына жетпей каза болду. Б.Б.О. Осоавиахим айылынын 1968-жылы туулган тургуну экени аныкталган.

Аталган факт боюнча Алай РИИБ тарабынан тиешелүү соттук-медициналык экспертиза дайындалып, тергөө иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×