Бөлүмдөр
Жекшемби, 19-январь
Чүй облусуКемин району 09.12.2019 11:27 На русском

«Аялымды кармап алдым»: Майрамды кызганган күйөөсү кыздарынын көзүнчө жарым саат бою зордуктаган

Иллюстрациялык сүрөт
Иллюстрациялык сүрөт

Turmush -  Чүй облусунун Кемин райондук соту сексуалдык мүнөздөгү зомбулук аракеттер боюнча кылмыш иштин материалдарын карап чыкты.

Айыпталуучу — Талант (аты өзгөртүлдү, Т.М.М) 1985-жылы Кемин районунда туулган. Үй-бүлөлүү, орто билимдүү, убактылуу бош, мурун сот жообуна тартылган эмес.

Кыргыз Республикасынын Жазык кодексинин 162-беренесинин (сексуалдык мүнөздөгү зомбулук аракеттер) 2-бөлүгүнүн 2-3-пункттары (өмүргө же ден соолукка коркунуч келтирген зомбулук көрсөтүү коркунучу менен коштолгон, жабырлануучуга же башка адамдарга карата өзгөчө мыкаачылык менен жасалган) менен айыбы угузулган.

Талант 2019-жылы саат 19:00 чамасында мас абалында жубайы Майрамга (аты өзгөртүлдү, С.к.Б.) күч колдонуп, жыгач отургуч менен сабап, эки бутуна жаракат келтирген. Андан соң кол менен ур-токмокко алып, жылаңач кылып чечиндирип, ашканадан жыгач үбөлүк менен целлофан пакетти алдырткан. Майрамдын алсыз абалынан пайдаланып, аталган буюмдардын жардамы менен сексуалдык мүнөздөгү ыпылас аракеттерди жасаган. Ушул эле күнү болжол менен саат 00:00 чамасында жубайын уктап жаткан жеринен ойготуп, ашканага киргизип, коркутуу менен аны кайрадан жылаңач кылып чечиндирген. Үбөлүк жана целлофан пакет менен кайрадан сексуалдык мүнөздөгү ыпылас аракеттерди жасаган. Бул көрүнүш 30 мүнөткө созулган. Андан кийин аялын өспүрүм кыздары уктап жаткан бөлмөгө алып кирип, төшөккө көмкөрөсүнөн жаткырып, балдарынын көзүнчө зордуктаган.

Талант сот отурумунда күнөөсүн жарым-жартылай мойнуна алды. Анын айтымында, 2019-жылы 20-августта болжол менен саат 19:30 чамасында үйүнө барган. Ошондо келинчеги Майрамдын Нурбек аттуу байкесинин унаасы үйүнүн жанында токтоп турган. Ошол маалда тааныш дос баласы келип, унаасы бузулуп калганын айтып, карап берүүнү өтүнгөн. Ал дос баласынын унаасын оңдошуп, кайра үйүнө келген убакта келинчеги Нурбек байкеси унутуп калган кийимдерин алып кеткенин айткан. Ошондо Талант аялынын сөзүнөн шек санап калган.

Андан кийин келинчеги Нурбек менен телефон аркылуу сүйлөшүп жатканда Нурбектин «Талант каякта, мени сагындыңбы?» деген сөзүн угуп калган. Талант жинденип, келинчегинин телефонун талкалап, «Нурбек менен жыныстык катнашта болдуңбу?» деп сураганда, аялы «ооба» деп жооп берген. Ошондо аны жакка чаап жиберген. Аялынан «аны менен качантан бери жатып жүрөсүң?» деп сураганда, Майрам ага «аны менен көптөн бери жаткан эмесмин. Акыркы жолу Кемин шаарындагы кичи райондордун биринде жолуккам. Андан кийин бүгүн жаттым» деп түшүндүргөн.

Талант дүкөндөн арак алып келип, аялы экөө отуруп ичишкен. Ошол маалда айыпталуучу «кимдер менен жыныстык катнашта болуп жүрөсүң?» деп сураганда, аялы эки жигиттин атын атаган. Ошондо кайра жинденип, бир-эки жолу Майрамды бетке чаап жиберген. Андан кийин эшикке чыгып кетип, саат түнкү он эки чамасында үйүнө кирген. Жубайын уктап жаткан жеринен ойготуп, жыгач үбөлүк менен целлофан пакетти алдыртып, сексуалдык мүнөздөгү аракеттерди жасаган.

Жабырлануучунун айтымында, 2019-жылы 18-августта жолдошу Талант арак ичип келген. Ошол маалда Майрамга Нурбек деген жигит телефон чалып, ден соолугун, «Талант каякта?» деп сураган. Ал күйөөсү уктап жатканын айткан. Нурбек андан ары сөзүн улап, «мени сагындыңбы?» деп сураганда, Майрам «эмнеге сагынмак элем. Экинчи чалба» деп телефонду өчүрүп салган. Алардын сөзүн угуп калган Талант жини келип, колунан телефонду жулуп алып, дубалга чаап сындырган. Андан кийин бир-эки жолу бетке чаап жиберген. Ошондон кийин жолдошу эшикке чыгып кеткен. Талант кайра түнкү саат он эки чамасында мас абалында келип, Майрамды тургузуп, «чечин» деп кыйкырып, үбөлүк менен пакетти алдырткан. Андан соң бул буюмдардын жардамы менен сексуалдык мүнөздөгү ыпылас аракеттерди жасап, балдар уктап жаткан бөлмөгө киргизип, төшөккө жаткырган. Талант балдары ойгоо экенине карабай, алардын көзүнчө Майрам менен жарым сааттай жыныстык катнашта болгон. Эртеси туугандары чогулганда Талант Майрамды күнөөлөп, «аялымды башка эркек менен жатканда кармап алдым» деп калп айткан.

Талант Майрамды кордогон учурду видеого тартып алган. Жабырлануучу күйөөсү уктап калганда телефонду алып, андагы видеону жеңесине көрсөткөн. Жеңеси видеону көрүп коркуп кеткен. Ал дароо милиция кызматкерлерин чакырган. Майрам аларга аталган видеону, үбөлүктү, целлофан пакетти, айрылган кийимдерин өткөрүп берген. Бирок жолдошу Талантка эч кандай доосу жоктугун айтып, тосмо арыз жазган.

Жыйынтыгында Талант Жазык кодексинин 162-беренесинин 2-бөлүгүнүн 2-3-пункттары менен күнөөлүү деп табылып, 9 жылдык мөөнөткө эркиндигинен ажыратылды. Жаза өтөө мөөнөтү 2019-жылдын 21-августунан баштап эсептелет. Жазык кодексинин 81-беренесинин 5-б-бөлүгүнүн негизинде Талант камакка алынган күндөн баштап өкүм күчүнө киргенге чейинки мөөнөтүнүн камактагы бир күнү эркиндигинен ажыратылган бир күнгө барабар деп көрсөтүлдү.

Таланттын баш коргоо чарасы өкүм мыйзамдуу күчүнө киргенге чейин өзөртүүсүз камакта калтырылды.

Чечим 2019-жылы 15-ноябрда чыккан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×