Бөлүмдөр
Жекшемби, 19-январь
Ош облусу, Ноокат 14.12.2019 11:25

Оштогу райондордо «Кароосуз бала» рейди уюштурулуп, мектепке барбай жүргөн балдар аныкталды

Turmush -  10-декабрдан 12-декабрга чейин Ош облусунун Кара-Суу, Ноокат, Араван райондорунда «Кароосуз бала» рейди өткөрүлдү. Бул тууралуу Ош ОИИБдин басма сөз кызматы билдирди.

Маалыматка караганда, иш-чара жаш өспүрүмдөрдүн арасында кылмыштуулукту болтурбоо, мектепке барбай иштеп жүргөн окуучуларды аныктоо жана аларды кайра окуусуна кайтаруу максатында уюштурулду. Анын жүрүшүндө Кара-Суу районунда мектепке барбай жумуш жасап жүргөн 12 өспүрүм, Ноокат районунда 8 өспүрүм, Араван районунда 6 өспүрүм аныкталды. Жалпысынан 26 бала Ош ОИИБдин жашы жете электердин укук бузулардын алдын алуу борборуна жеткирилди. Тийиштүү документтер топтолуп, ата-энелери чакыртылып, түшүндүрүү иштери жүргүзүлгөндөн соң алар ата-энелерине тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×