Бөлүмдөр
Жекшемби, 19-январь
Ош облусуКара-Кулжа району 04.01.2020 10:07 На русском

Кыргызстандын жаратылышы: Алайкуу өрөөнүнүн кыш мезгилиндеги кооздугу

Turmush -  Кара-Кулжа районуна караштуу Алайкуу өрөөнү кооз жаратылышы, бийик тоолору жана катаал шарты менен айырмаланат. Алайкуу өрөөнүнө 3 айыл өкмөт кирет жана жалпы 20 миңге жакын адам жашайт.

Жергиликтүү тургун Бекболсун Советбек уулунун айтымында, Алайкуу аймагындагы Ой-Тал, Алайкуу, Кызыл-Жар айыл өкмөттөрү деңиз деңгээлинен 2190-2300 метр бийикте жайгашкан. Жергиликтүү тургундар мал чарбасы менен алектенишет. Жаратылышынын катаалдыгына байланыштуу жер-жемиштер өспөйт, анткени кыш эрте түшөт жана 6-7 айга созулат. Жашоочулар кыштын камын эрте көрүп, азык-түлүк, жем-чөптү кенен камдап алышат. Айылдарга көпчүлүк учурда «УАЗ», «Нива» автоунаалары каттайт. Кышында кардын калыңдыгы 1-1,5 метрге чейин жетет. Жергиликтүү тургундардын басымдуу бөлүгү жылкы, кой, топоз, уй багышат.

Алайкуу өрөөнүндөгү Кызыл-Жар айыл өкмөтүнүн башчысы Алымбек Карыяевдин айтымында, айыл өкмөттө жалпы 7 миң тургун жашап, Терек, Коо-Чаты, Күйөө-Таш, Чычырканак, Кызыл-Жар, Кайың-Талаа деген 6 айыл бар. Кайың-Талаада сүт завод жана туристтик база бар. Айыл өкмөттө 6 мектеп, 5 бала бакча, 4 маданият үйү, 3 китепкана, спорт зал, оорукана жана 2 ФАП иштейт. Айыл өкмөт түндүк тарабынан Нарын облусунун Ат-Башы, Ак-Талаа райондору менен чектешкен. Алайкуу өрөөнүнөн Ош шаарына чейин унаа менен 6-6,5 саатта жетсе болот.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×