Бөлүмдөр
Жекшемби, 21-июль
Ош облусу 04.07.2014 12:54

Бишкек жана Ош шаарларында укук коргоо органдарынын кызматкерлерине УКТ менен күрөшүүнүн заманбап методдору боюнча тренинг өткөрүлдү

Turmush -  ЕККУнун Бишкек шаарындагы борбору Бишкек жана Ош шаарларында КР укук коргоо органдарынын, уюшкан кылмыштуу топ менен күрөшүү тармагындагы кызматкерлери үчүн «Уюшкан кылмыштуу топко каршы күрөшүүдөгү ыкчам-иликтөө иш-чараларынын техникасы» боюнча эки күндүк семинар өткөрдү.

Аталган борбордун басма сөз кызматы билдиргендей, семинарды өткөрүү КР Ички иштер министрлиги менен Литванын криминалдык полиция бюросу тарабынан жүргүзүлдү.

Семинар Бишкек шаарында 25-26-июнь күндөрү жана Ош шаарында 1-2-июль күндөрү өттү.

Тренингге КР ИИМ кызматкерлери, Мамлекеттик улуттук коопсуздук кызматынын, Мамлекеттик экономикалык кылмыштарга каршы күрөшүү кызматынын, Мамлекеттик жаза аткаруу кызматынын жана Башкы прокуратуранын кызматкерлери катышты.

Иш-чаранын жүрүшүндө уюшкан кылмыштуу топ менен ыкчам күрөшүүнүн заманбап методу, терроризм жана уюшкан кылмыштуу топ менен күрөшүү тууралуу талкуу жүрдү.

Кошумчалай кетсек, тренингди өткөрүү үчүн ливалык криминалдык полициясынан Миндаугас Петраускас чакырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×