Turmush — Новосибирск мамлекеттик университетинде өткөн эл аралык олимпиадада Ош мамлекеттик университетинин медицина факультетинин студенттеринен куралган «Vit'oss» командасы биринчи орунду алды.
Окуу жайдын маалыматына караганда, олимпиада хирургия жана морфология багыттары боюнча болду. Жалпы 10 команда катышып, алар жаныбарлардын органдарына лапароскоп аппаратынын жардамында операция жасашты.
ОшМУнун командасын медицина факультетинин травматология, соттук-медицина жана нур диагностика кафедрасынын башчысы Таалайбек Сейитбеков жана окутуучу Бектур Эркинали уулу даярдап, алып барган.
Мелдеш 4-6-декабрь күндөрү III эл аралык «Морфология жана хирургия» форумунун алкагында уюштурулду. Иш-чара «Морфологиялык илимдер — медицинанын негизи» деген ураан алдында өттү.
