Turmush — «Ошжылуулукэнерго» муниципалдык ишканасы өз абоненттери үчүн атайын акция жарыялады. Бул тууралуу аталган ишкананын өкүлдөрү билдирди.
Маалыматка караганда, керектөөчүлөр 2026-жылдын 1-мартынан 31-мартына чейин негизги карызын толугу менен төлөгөн учурда эсептелген туум акчалары толук жоюлат. Ар бир төлөм автоматтык түрдө текшерилип, негизги карыз жабылган соң эсептелген туум суммасы системада автоматтык түрдө кыскартылат.
Белгиленгендей, бул акцияга ишкананын бардык категориядагы абоненттери катыша алышат.
Мекеме тургундарды акциянын мүмкүнчүлүгүн пайдаланып, топтолгон карыздарын жабууга чакырат.