Бөлүмдөр
Дүйшөмбү, 14-октябрь
Ош облусу, Ош 31.01.2019 19:48 На русском

Айыл турмушу: Мансур Жолдошов балык чарба түптөп, 5 миңдей форель багууда (видео)

Turmush -  Ош шаарынын Жапалак айыл аймагынын тургуну Мансур Жолдошов форель балыктарын багат. Учурда балык чарбасында 5 миңдей форель бар экенин аймактык кабарчы менен болгон маегинде айтып берди.

Мансур мырзанын айтымында, балык багууну алгач интернеттен эле үйрөнгөн.

«Учурда балык чарбада фоерелдерден тышкары 2 миңдей балык бар. Былтыр май айларында Ысык-Көлдүн Ак-Сай аймагынан 2 миңдей балык алып келип, өстүрүп баштагам. Ал эми балык багылуучу жерди февраль айында даярдап койгон элем. Бишкекке барганда форель саткан жерге барып, аны багуунун жолдорун сатуучудан сурап, жазып алгам. Алгач чыгым көп кетип, балыктарым өлүп калган. Ош шаарында форель багып сатып жүргөндөрдү угуп барсам, сырын айтпай, "биз өстүрбөйбүз" деп коюшкан. Бара-бара суунун температурасы менен жемден көз каранды экенин билдим. Форель балыгына муздак суу жагып, 11 градус жылуулуктан ашса өлүп калат», - дейт Мансур Жолдошов.

Ал балык багуунун сырларын өздөштүргөндөн кийин Кара-Балта шаарынан 3 миң балык алып келген. Форель балыгынын килограммы 600 сомго бааланганы менен жеми да кымбат экенин айтат.

«Балык 8-9 айда жетилгендиктен эми гана сатыкка коюп жатам. Жемдин 1 килограммы 150 сом. Курамында акуланын майы, балыктын сөөгү сыяктуу витаминдер бар. Күнүнө 5 килограммдан 10 килограммга чейин жем берилет. Форель балыгы жырткыч болгондуктан жемдин курамында кан да болушу мүмкүн. Балыктарды Араван-Ош каналынын жээгинде багабыз», - деди Мансур Жолдошов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×