Бөлүмдөр
Шаршемби, 18-сентябрь
Ош облусуАраван району 24.04.2019 20:00 Жаңыланды: 05.05.2019 15:23 На русском

Айыл турмушу: Багбан Шавкат Байбабаев 5 гектар бакчада гилас өстүрүп, түшүмүн Россияга экспорттойт (сүрөт, видео)

Turmush -  Араван районунун Нур-Абад айылынын тургуну Шавкат Байбабаев 20 жылдан бери багбанчылык менен алектенет. Ал аймактык кабарчыга кирешелүү иши тууралуу айтып берди.

Багбан 5 гектардан ашык жерге гилас (гилас — диал., алча) багын өстүрөт. Ал эми бакча 2001-жылы түптөлгөн.

«Гилас бактын арасында курма да бар болчу. Кийинчерээк курма жакшы түшүм бербей калып, анын ордуна гилас бак тиккенбиз. Учурда 5 гектар 20 сотых жерде 1 миң 600 түп гилас бак бар. Гилас абдан назик болгондуктан көп мээнетти талап кылат. Дайыма бутап туруу керек. Күн ысык жерде жакшы өсөт. Эгер кышында 30 градустан ашык суук болсо мөмө бербей калат. Аярлап кароону талап кылгандыктан жыл бою ушул жерде иштеп, бакчаны карап турабыз», - деди ал.

Шавкат Байбабаев айтымында, түшүмдү жыйноо үчүн 300дөн ашык жумушчу иштеп, гилас Россияга экспорттолот.

«Биз жумушчулардын күчүнө муктажбыз. Мөмө бышкан учурда 300дөн ашык адам иштеп, бизге жардам берет. Алар күнүнө 800-1000 сомдон эмгек акы алышат. Түшүм жыйналгандан кийин Россияга алып кетишет. Кардарларыбыз жыл сайын жаз айында келип биз менен келишим түзүп, алдын ала акча төлөшөт», - дейт Ш.Байбабаев.

Баган үй-бүлөлүү, ал 2 уулдун атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×