Бөлүмдөр
Жекшемби, 18-август
Ош облусу, Озгон 09.07.2019 20:01 На русском

Өзгөндүн волейболчулары Өзбекстандагы мелдеште алдыңкы орунду алышты

Turmush -  Өзгөн районунун волейболчулары Өзбекстандын Фергана облусунда өткөн мелдешке катышып, алдыңкы орунду ээлешти. Бул тууралуу Өзгөн шаардык мэриясынын жаштар жана спорт боюнча башкы адиси Сабырбек Калбердиев билдирди.

Анын айтымында, Өзбекстанда волейбол боюнча «Достук» мелдеши өткөн. Ага Өзгөн шаарынан 2 команда, жалпы 20 волейболчу барды. Чыгымдар Өзгөн шаардык мэриясы тарабынан каржыланып, 120 миң сом сарпталган.

Мелдешке Өзбекстандын Фергана, Андижан, Бухара шаарларынын жана Кыргызстандын Өзгөн шаарынын волейболчулары катышып, жыйынтыгында Өзгөн шаарынын командасы 1-орунду алган.

Мелдештин алкагында Кыргызстандын жана Өзбекстандын өкүлдөрү спорттун башка түрлөрү боюнча дагы кызматташуу тууралуу келишимге кол коюшту.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×