Бөлүмдөр
Жекшемби, 25-август
Ош облусуАраван району 24.07.2019 15:13

«Түрмөгө алып барабыз»: Жаш ишкерди коркутуп, 10 миң сом опузалап жаткан 2 адам кармалды

Turmush -  Араван районунда жеке ишкерди коркутуп, 10 миң сом опузалап жаткан жеринен эки адам кармалды. Бул тууралуу Ош облустук ички иштер башкармалыгынын басма сөз кызматы билдирди.

22-июль күнү Араван районунун ички иштер бөлүмүнө А.Анаров айыл өкмөтүндөгү унаа оңдоочу жайга 2 бейтааныш адам келип, Араван районунун 1994-жылы туулган тургуну — жеке ишкер Э.Ж.ны түрмөгө 16 миң сом бересиң, болбосо өзүңдү түрмөгө алып барабыз деп коркутуп, акча талап кылышкандыгы тууралуу маалымат келип түшкөн. Аталган окуя боюнча Араван РИИБдин кызматкерлери тарабынан ыкчам иш-чаралар жүргүзүлүп, ошол эле күнү саат 18:00 чамасында А.Анаров айыл өкмөтүндөгү «Ош 3000» жана Калмурза кары көчөлөрүнүн кесилишинде Ош шаарынын 1975-жылы туулган тургуну М.Д. жана Кара-Суу районунун 1976-жылы туулган тургуну М.Х. жеке ишкерден 10 миң сом опузалап жаткан жеринен колго түшүрүлгөн.

Аталган факт Араван РИИБ тарабынан Кылмыштардын жана жоруктардын бирдиктүү реестрине катталып, Жазык кодексинин 203-беренесинин (Опузалап талап кылуу) негизинде сотко чейинки өндүрүш иштери башталган. Шектүүлөр Араван РИИБдин убактылуу кармоочу жайына киргизилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×