Бөлүмдөр
Жума, 18-октябрь
Ош облусу, Ош 15.12.2014 15:00

Айыл турмушу: Түркиядан келген студент Айдын Нурташ өзү сүйүп жеген кыргыз чучугун жасоону үйрөнүүдө (фото)

Turmush -  Түркүядан келип, Оштогу жогорку окуу жайлардын биринде окуп жаткан Айдын Нурташ кыргыздын чучугундай даамдуу тамак жебегенин айтат.

Учурда чучук жасоону үйрөнөөдө. Анын айтымында, чучукту чет өлкөдөн келген туристтер жана мигранттар таңданып жегендерин кезиктирүүгө болот.

«Көптөгөн өлкөлөрдүн өзүнө таандык даамдары бар. Көптөгөн өлкөлөргө барып келгем. Ар улуттун өздөрүнө тиешелүү тамактары бар. Ар бир тамактын өзүнө жараша даамы болот. Көп түрдүү тамак жеп көрдүм. Бирок ошолордун ичинен мага кыргыздардын улуттук тамагы чучук жакты. Бул мезгилге чейин мындай тамак жеп көрбөгөн элем. Өзгөчө даамдуу жасалган тамак экен», - дейт Нурташ.

Чет жерлерге саякаттап же жөнөкөй мигрант катары баргандар бар. Кыргыз жерине келип жашап калган 80ден ашуун улуттар бар.

Түркия мамлекетинен келип, Ош жеринде жашап калганын Айдын Нурташ мындай түшүндүрөт.

«Мен мындан 3 жыл мурда Ошко келген элем. Мага кыргыз жери жакчу. Келген мезгилден тартып эле бул жерге көнүп кеттим. Абасы таза, суусу кенен өлкө экен. Жер жемиштин баары өсүп, кененчилик баары бар жер. Жеген тамак-аштарыбыз башка өлкөлөргө салыштырганда табигый таза тамактар. Мен сүйүп жеген чучук да таза азык десем болот», - деп баса белгилеп өттү ал.

Чучук жасоо ар бир адамдын колунан жасала берчү тамак эмес. Аны жасоонунда ыкмалары бар экенин Айдын Нурташ мындай баяндайт.

«Жылкынын май эти аралаштырылып жасалган чучук көптөгөн адамдарга жакса керек. Себеби аны келтире жасап койгондор да бар экен. Базарлардан алып жегенде ар жердики ар кыл болот. Бара бара биз дагы тандап алып жей баштадык. Ар бир даам өзүнүн кардарларын табат. Жакшы чучук жасаган жерлерди билип да, көрүп да жүрөм. Мындайды жасоо бардык эле адамдын колунан келе бербесе керек. Чучук жасоону үйрөнүп барып жердештериме бир кыргыздын даамынан даам сыздырайын деп ойлоп жүрөм», - деди Айдын.

Айдын Нурташ Ош мамлекеттик университетинде окуйт. Кыргыз тилин так өздөштүргөн. Окуп жаткан кесиби котормочу. Азыркы учурда аңглис, кыргыз, орус, жана түрк тилинде сүйлөй алат.

unnamed

ч

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×